2019 ఎన్నికలకు ముందు పార్లమెంటు సభ్యుడు మార్గాని భరత్ తండ్రి రాజకీయాల్లోకి అడుగుపెట్టారు. భరత్ తండ్రి తెలుగుదేశంలో చేరి టికెట్ ఆశించారు. అయితే టెక్కలి ఎమ్మెల్యే అచ్చెన్నాయుడు బంధువైన ఆదిరెడ్డి అప్పారావు కుటుంబానికి టీడీపీ అధినేత ప్రాధాన్యత ఇచ్చారు. అవమానంతో మార్గాని భరత్ తండ్రి వైసీపీ వైపు చూశారు. బీసీ సామాజిక వర్గానికి బలమైన అనుబంధం, ఆర్థిక నేపథ్యం ఉండటంతో వైసీపీ అధినేత వైఎస్‌ జగన్ భరత్‌కు రాజమహేంద్రవరం లోక్‌సభ టికెట్ ఇచ్చారు. భరత్ ఎన్నికల్లో విజయం సాధించారు.
జక్కంపూడి రాజా సహా రాజమండ్రి వైసీపీ నేతలు ఎన్నికల సమయంలో భరత్‌కు సంపూర్ణ మద్దతు పలికారు కానీ ఇప్పుడు పరిస్థితి మారింది. ఎంపీ భరత్ తన పార్లమెంట్ సెగ్మెంట్ పరిధిలోకి వచ్చే ఏడు అసెంబ్లీ నియోజకవర్గాల్లో ఐదుగురు ఎమ్మెల్యేలతో మాట్లాడటం లేదు. జక్కంపూడి ప్రెస్ మీట్ పెట్టి భరత్ పై విమర్శలు చేస్తే అదే ఘాటుగా భరత్ ఎంపీ బదులిచ్చాడు. దీంతో ఇబ్బంది ప‌డుతున్న వైసీపీ హైకమాండ్ జోక్యం చేసుకుని జక్కంపూడి భరత్ మ‌ధ్య విబేధాల‌ను సర్దుబాటు
చేసే ప్ర‌య‌త్నం చేశారు. చాలా నియోజకవర్గాల నుండి భరత్ పై తీవ్ర వ్యతిరేకత ఉంది.
2019లో లాగా ఎంపీ భరత్‌కి స్థానిక వైసీపీ నేతల మద్దతు లభించకపోవచ్చని వైసీపీ హైకమాండ్ గ్రహించి, 2024లో టికెట్ ఇవ్వకూడదని నిర్ణయించుకున్నట్లు సమాచారం. జగన్‌ను విమర్శించేందుకు నిత్యం మీడియా మీట్‌లు నిర్వహించే నర్సాపురం ఎంపీ రఘురామకృష్ణంరాజుపై భరత్ ఏకంగా కౌంటర్ ఇచ్చారు.
భరత్‌కి రాజమండ్రి సిటీ ఎమ్మెల్యే టిక్కెట్టును జగన్ ఆఫర్ చేసే అవకాశం ఉందని వైసీపీలోనే చర్చ జరుగుతోంది. ప్రస్తుతం టీడీపీకి చెందిన ఆదిరెడ్డి భవాని ఈ నియోజకవర్గానికి ప్రాతినిధ్యం వహిస్తున్నారు. ఈ నియోజకవర్గంలో టీడీపీ ఆధిపత్యానికి భరత్ చెక్ చెప్పగలరని జగన్ నమ్ముతున్నారు.
